Aniturri BHIk deialdi honetan parte hartu nahi du gure ikastetxean ikasle etorkinak integratu nahi ditugulako. Benetako integrazioa proposatzen dugu, beste ikasleen pare izan daitezen, eta horretarako ikastetxeko hizkuntza ereduan integratu nahi ditugu, hau da D ereduan.

Hala izan dadin, ikasle etorkinek euskara ikasi behar dute eta helburu hori gauzatzeko ezinbestekoa dugu gai horretan aditua den aparteko irakasle baten laguntza, ikasgai desberdinetako irakasleek ezin baitiete aparteko arreta eman ikasle hauei taldean besterik gabe integratzen baditugu.

Aipatutako integrazioa prozesu graduala izango da eta irakasleek argi dute euskararen eskurapen mailaren arabera, integratzeko orduak eta arloak gero eta gehiago izango direla.

Arduradun orokorra:Inma  Igoa

Norentzat:Ikasleei zuzendua